.png)
VERKEER VOOR ONS HUIS
Seiljagte sien ons soms in die verte op die Atlantiese Oseaan dobber, maar normaalweg is seiljagverkeer by ons Melkbos-huis verby aansienlik skaarser as byvoorbeeld sebraverkeer by ons boshuis op Sabiepark. Hierdie foto’s is Vrydag hier by Penguin Place geneem – die boonste een van die bo-dek en die onderste een, met die heining ook sigbaar, van die stoep af. Watter wedvaart dit was, weet ek nie. Al wat ek weet, is dat dit heel aanskoulik was toe die kleurryke seile so al bollende in ‘n noordelike rigting verby vaar, waarheen ook al. So naby was hulle nog nie in die twaalf jaar dat ons op Melkbos nesgeskrop het nie. Ek deel dit graag.