UIT VOLLE BORS

Voorwaarts christenstryders, Wat ‘n vriend het ons in Jesus, Deur te sien op die kruis, Staan op, staan op vir Jesus, Strome van seën van bowe, Ek sien ‘n poort wyde ope staan, Saggies en teer is die roepstem van Jesus, Ek kan hoor my Heiland roep my ….

Uit volle bors sing ‘n volgepakte sitkamer van die Sea Park-tehuis vir bejaardes op Melkbos elke oggend vandeesweek hierdie amper vergete Hallelujaliedere uit ons kinderdae.

Dis Pinkstertyd. Emeritus-leraar Jan Venter hou hier spesiale Pinksterdienste vir die oumense. Met sy sterk stem praat hy oortuigend oor die wederkoms. Die parkeerplekke buite staan vol soos ook ‘n jonger garde kom luister.

Ek is dankbaar Tokkie het my saamgevat daarnatoe.

#hennievandeventer #pinksterdienste #melkbos #seapark #dsjanventer