SWEET … EN SNEEU

‘n Wandeling langs die see (deel van my “rehabilitasie”vir my rug en regterbeen se kwale) het my en Tokkie vanoggend nogal laat sweet. Die sonnetjie het vroeg-vroeg begin steek.

Tuis gekom, kry ek hierdie foto per e-pos van Caroline Pols, ons Nederlandse Sabiepark-vriendin, uit Heerhugowaarden. Dit was op daardie oomblik die sprokiesmooi uitsig uit hul woonkamer.

Nou-ja, die helder blou lug is darem ook mooi!