top of page
  • Uitmelkbos

SOOS GISTER!

Gepraat van ou meisies: in my versieboekie Polisie, Polisie, Ons Reënboog is Geroof (Tarlehoet, 2003) het ek vantevore die onderwerp aangeroer, met ‘n goeie skoot vrugbare verbeelding daarby.

Verbeelding of nie verbeelding nie, die slotsom is dieselfde as in die blog hierbo. Daardie buiging na my vrou (wat van Bultfontein kom) het dus in minstens die laaste sewe jaar konstant dieselfde gebly.

Hier’s die bewys:

Herinneringe

O, ek onthou die rats gimnassie,

pronknooi van die dorp Makwassie

wat ‘n aand van louter passie

daar op die klapperhaar-matrassie!

Toe kom ‘n nooi van Cullinan,

‘n skitter-diamant soos min,

en ook ‘n stukkie Welkom-goud –

‘n regte skat en heerlik stout!

Die orrelis van Berg-en-Dal

soos sy kon terg, sy maak jou mal;

uit Hertzogville, bedees en stil,

kom een met hartstog – en ‘n wil!

Die strenge een van Botrivier,

party dag sy’s bra bot en suur,

maar, boeta, dit was puur plesier

soos sy kon toor op haar klavier!

‘n Bondel energie uit Vryheid

had altyd vir ‘n vrytjie ty-heid;

vergeet ook nie daai turbo-outjie –

Bikininooi van Amanzimtoti!

Maar my nooi van Bultfontein,

vir haar het ek nou goed getryn

(of sy vir my, ek sal nie stry)

dié dat ek nou die Heer kan dank

vir lewenslank se samesyn!

1 view

Recent Posts

See All

Probleme probleme

Die hoop het toe nie beskaam nie. Rapport het afgelope Sondag vorendag gekom met ’n noemenswaardige resensie – Trisa Hugo se skrywe oor Veldhospitaal 12, die nuwe roman deur Marinda van Zyl. Boek24? W

SKOONHEID SONDER SKROOMHEID

Op bladsy drie van Die Burger vanoggend verskyn o.m. berigte oor die Mej. Wệreldwedstryd waarin Shudu Musida SA se kroon dra, en ‘n motorfiets-uitstappie na die Hartebeespoortdam waarvan die afwesighe

Yorumlar


bottom of page