top of page
  • Uitmelkbos

PIK, FERDI, EUGENE … EN JIM!

In die onstuimge 80’s – tot in die 90’s – was drie oud-leerlinge van my skool, Potchefstroom- Volkies, sterk op die voorgrond in die intense Afrikanerpolitiek.

Van links na regs kan ‘n mens maar sê, was hulle Pik Botha (hoewel hy die bynaam Pikkewyn eers gekry as as intervarsitydirigent van Tukkies in die vroeë 50’s), Ferdi Hartzenberg en Eugene Terre’Blanche wat Saterdag op sy plaas by Ventersdorp vermoor is.

Gegewe die ligging van daardie stoere skool in die ou Wes-Transvaal, is dit amper vanselfsprekend dat al drie sterk gevolge onder ander oud-Volkies opgebou het. Dit kon tot ietwat ingewikkelde situasies lei.

Een was toe Volkies in die 90’s met die tradisie van wildsfeeste begin het, waar vir fondsinsameling, vriende en tydgenote by verskillende lapa’s saamkuier.

Om die tradisie skouspelagtig te verewig, is besluit om ‘n tamaaie feesvuur simbolies te laat aansteek deur iemand wat ook ‘n paar gevleuelde woorde kon spreek.

Maar wie? As die keuse vir Groot Gees van die Aand op een van die prominente politici sou val, sou dit vanselfsprekend aanstoot gee aan ondersteuners van die ander twee.

Skoolhoof Arrie van Rensburg kry toe ‘n blink ingewing – trek ‘n regter nader!

My matriekmaat regter Willie Hartzenberg was die ideale kandidaat –

politiek onbesproke, spitsvondig en van hoë aansien. Hy en sy vrou, Irna, self ‘n oud-Volkie wat uit eie reg haar merk gemaak het as president van die SAVF, ry toe uit Pretoria oor vir die aand.

Die kuier was al mooi op dreef en skemer het begin daal toe die klomp feesvuur se kant toe staan. Dit sou ‘n vuur duisend wees. Net toe bemerk iemand egter onraad. Vrolike vlammetjies knetter prematuur.

Nadere ondersoek bring aan die lig dat niemand vir Jim, die “boiler boy” , mooi gemaak verstaan het waar sy verantwoordelikhede daardie aand ophou nie. Nadat hy oudergewoonte die hout gekap en die vuur gepak het, gaan hy toe getrou oor na stap drie, en trek ‘n vuurhoutjie.

Dat dit ‘n mooi vuur was, is nie oor te redekawel nie. Dat die Groot Opening heelwat van sy kleur verloor het, is egter ook waar. Maar dan aan die ander kant: ‘n stewige bedrag is ingesamel sonder om op politieke tone te trap (HvD

2 views

Recent Posts

See All

Probleme probleme

Die hoop het toe nie beskaam nie. Rapport het afgelope Sondag vorendag gekom met ’n noemenswaardige resensie – Trisa Hugo se skrywe oor Veldhospitaal 12, die nuwe roman deur Marinda van Zyl. Boek24? W

SKOONHEID SONDER SKROOMHEID

Op bladsy drie van Die Burger vanoggend verskyn o.m. berigte oor die Mej. Wệreldwedstryd waarin Shudu Musida SA se kroon dra, en ‘n motorfiets-uitstappie na die Hartebeespoortdam waarvan die afwesighe

Comments


bottom of page