top of page
  • Izak de Vries

’n Uiters suksesvolle boektoer oor drie stede heen

Drie stede, ses dae en vyftien skrywers: dít is ’n kort opsomming van die boektoer wat deur die Suid-Afrikaanse Sentrum vir Nederland en Vlaandere (SASNEV) gereël is.

Hier is die foto's uiteindelik! (Kliek op die foto's om hulle groter te maak.)

Saterdag 5 Oktober

Die eerste geleentheid is op Saterdag 5 Oktober 2013 by die Hoërskool DF Malan gehou.


Eerste op die program was Karin Brynard en Hanlie Retief. Hulle was in gesprek met my. Brynard het Plaasmoord en Onse vaders (uitgegee deur Human & Rousseau) geskryf, terwyl Retief die biografie Byleveld: dossier van ’n baasspeurder (Umuzi) geskryf het.


FOTO 02 BL

Daarna het twee debuutskrywers, Ilza Roggeband en Eldridge Jason met mekaar gesels. Roggeband het Noot vir dood (Queillerie) geskryf en Jason Gerook (LAPA).


FOTO 03 BL

(Foto: Carolyn Meads, Bookslive)*

Chanette Paul het daarna gesels oor haar Labirint (Queillerie) en Siende blind (LAPA).


FOTO 04 BL

(Foto: Carolyn Meads, Bookslive)*

Isa Konrad het vanuit Switserland deelgeneem aan ’n geprek wat ongelukkig deur tegniese probleme kortgeknip is. Die gesprek sou handel oor Die soenoffer en Diva (LAPA).


FOTO 05 BL

(Foto: Carolyn Meads, Bookslive)*

Adriaan van Dis, die veelbekroonde Nederlandse skrywer, het daarna oor sy boek Tikkop gesels met Daniel Hugo. Hugo was die vertaler van Tikkop wat deur Protea Boekhuis uitgegee is.

Gert Visser van die Hoërskool DF Malan het die geleentheid gereël.

Dinsdag 8 Oktober

Die volgende gesprek het op 11 Oktober plaasgevind by die Laerskool Voorpos in Waverly, Pretoria.


FOTO 06

Eerste aan die woord was Lien Roux-de Jager (links), die skrywer van Donker leuens en Gekoopte leuens (LAPA) en Ilse Salzwedel, die skrywer van Bloedsusters (LAPA). By hulle is Lien se man, Johann de Jager.


Foto 07

Twee Venters, wat nie familie is nie, het daarna opgetree. Irma Venter is die skrywer van Skoenlapper en Skrapnel (Human & Rousseau) en Peet Venter het oor Dieper as die bloed en Ou bloed (LAPA) gesels.


Foto 08

Carla van der Spuy, die joernalis en skrywer van Mens of monster, die psige van ’n misdadiger (LAPA), het daarna met die legendariese speuder Piet Byleveld ’n onderhoud gevoer.


Foto 09

Adriaan van Dis en Daniel Hugo was hierna weer in gesprek oor Tikkop. Hier is hulle saam met Eureka Barnard, die hoof van SASNEV.


Foto 10

Sanger, Steve Hofmeyr, het die geleentheid bygewoon en is onmiddellik deur ondersteuners oorval. Links is Marthie Maré, gesigontleder wie se boek vroeg in volgende jaar gaan verskyn. Sy het, onder andere, Steve se gesig ontleed. Langs Steve is Janene, die vrou in sy lewe, dan volg Carla van der Spuy en Cecelia du Plessis.


FOTO 11

Piet Byleveld se roem moet nie onderskat word nie. Hier is Cecelia du Plessis saam met Elize Bylveld (Piet se vrou), Piet, Carla van der Spuy en Sam Cooper.

Sam Cooper, van Waverley Biblioteek, het die hele geleentheid gereël.

Vrydag 11 Oktober

Die derde en laaste been van die boektoer is te Hoërskool Grey in Port Elizabeth gehou.


Foto 12

Neil Crawford, die rektor van Grey Hoërskool, het die gaste verwelkom.


Foto 13

Daniel Hugo, Adriaan van Dis, Karin Brynard, Piet Byleveld, Ilza Roggeband en Leon van Nierop het opgetree by die geleentheid. Hier is hulle almal bymekaar saam met ’n groep leerders van Grey Hoërskool. Leon het gesels oor Plesierengel (Tafelberg) en Snydokter (LAPA).


Foto 14

’n Aantal leerders van Hoërskool Cilliers het ook die geleentheid bygewoon. Hier is hulle, en hulle onderwyserers, saam met Adriaan van Dis, Daniel Hugo en Leon van Nierop.


Eureka Barnard, wat die hele toer namens SASNEV gereël het, sluit af.


Foto 16

Hier is Susan Bloem, die hoof van die Afrikaanse departement by Grey, Karin Brynard, Pieter Rademeyer, ook van Grey, en Ilza Roggeband.

Pieter Rademeyer het die geleentheid in Port Elizabeth gereël.

Borge

Verskeie borge het hierdie geleentheid moontlik gemaak. LAPA uitgewers, NB-Uitgewers, Protea Boekhuis en Umuzi het baie gedoen om skrywers te verskaf en om hulle reis en verblyf te betaal. Die Nederlands letterenfonds het ook ’n geldelike bydrae gemaak en die Suid-Afrikaanse Sentrum vir Nederland en Vlaandere (SASNEV) het baie ruim bygedra tot die sukses van hierdie toer.


foto 17

Die Thogosun Hotelgroep het die skrywers teen groot afslag gehuisves. Hier is Erika Rautenbach van Thogosun Hotels in Port Elizabeth wat die geleentheid by Grey Hoërskool bygewoon het.

* Foto’s deur Carolyn Meads is met vergunning van BooksLive gebruik. Ek het die ander geneem.

* * *

1 view

Recent Posts

See All

Comments


bottom of page