‘N LANG STYWE DOP!

As jy dors raak, ou Slakkie, hou tog goed kop: moenie net mik-en-sluk-kie, vat ‘n la.a.a.ng stywe dop!

Die foto van hierdie reuse-landslak wat so strek om sy pensie trommeldik te drink, is by ons bos-swembadjie in Sabiepark geneem. Landslakke van hierdie formaat, en groter, kom algemeen in die Krugerwildtuin voor, en word in hope doodgery – nog meer as klein skilpadjies, wat dalk net effens vinniger as die uiters tydsame slakfamilie die gevaarlike toeristepaaie oorsteek.