.png)
Afrikaans kook tans by die Laerskool Kenridge; dit is alles pret en ter verryking van die leerders.
Die laerskool doen moeite om die laaste week van die kwartaal nuttig én prettig te maak. Verskeie temas, selfs Egiptologie, word gedek. Daar was Dinsdag ook 'n skaap, hasies, pluimvee en marmotte op besoek.
Die grootste, oorkoepelende tema is egter die Afrikaansweek wat op 19 Junie begin het, en die 25ste Junie sal eindig.
Hierdie enorme projek, wat bestaan uit 64 lesings en werkswinkels, bied iets vir moedertaalsprekers en nie-moedertaalsprekers. Hoewel dit deur LAPA Uitgewers gereël is, word skrywers en uitgewers van LAPA, NB, Maskew Miller Longman en Pearson ook betrek.
Ek kon nie almal afneem nie, maar hier is 'n paar kiekies.
Dit was opvallend stil in Carina se sessie, want almal was aan die skryf.
Die Handwoordeboek van die Afrikaanse Taal (HAT) word vanjaar 50 en 'n nuwe weergawe is op pad. Die Woordeboek is deesdae ook volledig elektronies. Jana Luther en Fred Pheiffer, wat albei woordeboekmakers is, het 'n paar praktiese lesse met die leerders gedoen.
Die Laerskool Kenridge is tweetalig. Hulle leuse, wat hier op 'n deur verskyn is, Elke kind, Elke kans, Elke dag, Every child, Every chance, Every day.
Die skool het 'n mooi biblioteek.
Commentaires