‘KLAP MAAR MY ORE WARM!"

Verfrissende boodskappie gekry van die nooi wat verantwoordelik was vir die Honda se “luikrug” wat in die advertensie in Die Burger “luikrag” geword het. “Klap maar my ore warm,” se sy – “ek kan dit vat.”

Dankie, Terisa, vir jou boodskap. Ek hou van die aanvaarding van verantwoordelikheid en die humor. Fyn trap vorentoe, hoor!

Hier is haar briefie

APOLOGIE

“Ek moet met alle eerlikheid erken dat daar ’n groot glimlag op my gesig was toe ek dit (gister se bloggie) lees, en dit het ook my dag opgehelder.

“Die blote feit dat dit ’n menslike fout was, bewys weer dat geen mens altyd alles reg doen nie. Gelukkig ‘vat’ ek nog ’n paar klappe teen die oor as ek dit verdien. Hierdie fout kan ek ongelukkig nie as Die Burger se fout sien nie, maar as TERISA, verteenwoordiger van Die Burger se fout, en ek is bereid om met my warm ore te loop

“Oor hierdie “LUIKRAG” van Honda: ek sal volgende keer seker maak dat dit LUIKRUG is!

“Ek sal reel dat ons ook ’n apologie in Die Burger plaas vir enige ongerief van enige aard wat die advertensie kon veroorsaak het.”

Groete

Terisa