top of page

Hoe doen blindes dit?

Izak de Vries

Dit is soms baie goed om net ’n slag te stop en te dink oor iets – iets so alledaags soos blindheid.

Ek het blerrie goeie oë en geniet dus boeke, fotografie en voëlskyk. (En dink net wat ek alles sal kan sien op Sandy Bay wanneer die weer mooi is!)

Ek het die ander dag verwys na Dr Wilhelm van Deventer. Daar was ’n berig oor hom in Sondag se Rapport. Kliek hier om die berig te lees.

Wilhelm probeer baie hard om mense te laat síén dat daar rede is om aan gestremdes te dink – dis hoekom hy hierdie veldtog voer.

En, snaaks, dink was presies wat my knaap die ander dag gedoen het.

Sondagoggend vra knaap:

“Pappa, hoe staan blinde mense op?”

“Hoe trek blinde mense aan?”

En toe: “Maar as hulle wil cool lyk, hoe weet hulle watter klere om aan te trek?”

Baie goeie vraag. Ek wonder hoeveel van julle weet?

Ek het op universiteit ’n blinde vriendin gehad en het baie by haar geleer.

Dis nou vir my egter vreemd om te dink hoe min van my vriende een of ander gestremdheid het. My een nefie het Downs. ’n Goeie vriendin het twee ouers wat albei doof is. ’n Ander het ’n stiefpa wat doof is. ’n Eks-kollega se man lei aan dieselfde kondisie as Wilhelm.

En?

Gestremdheid raak my dus nie. En dis erg, want, soos Wilhelm gesê het, daardie oorgang tussen gestremdheid en gesondwees is soms net ’n paar oomblikke. Vra vir Matthys Roets. Ek het so ’n maand gelede by ’n restaurant ingeval waar hy ook was. Dit was goed om te sien hoe goed hy regkom ver van die publiek se oë. (Ek het hom herken; hy weet natuurlik wie ek is nie.)

Praat van oë: Ek vra toe vir my seun of ek dalk een oggend sy oë moet toebind, dan kan hyself ’n bietjie voel hoe dit is om te moet opstaan, klere uitsoek en aantrek as jy nie kan sien nie.

Hy het ’n kort rukkie gedink en gesê: Nee, liewers nie.

4 views

Recent Posts

See All

Ena Murray deur die oë van ander

Ena Murray: 27 Desember 1936 – 4 Junie 2015 Alle foto's deur Susan Bloemhof Lekkerleesboekrak op Facebook was die eerste. Voor sonop was...

Why? / Hoekom?

A brief explanation on why I run without shoes. (Afrikaans hieronder) Nou die Afrikaans: Hoekom kaalpoot?

Comments


© 2022 LitNet. Alle regte voorbehou | All rights reserved

bottom of page