top of page
  • Uitmelkbos

GESETTE JASSER ARAFAT

My vrou, Tokkie, veroorsaak hier, daar en oweral groot vrolikheid met haar beskrywing van my onwaardige uittog uit die safari-tentkamp naby Pretoriuskop waar ons verlede Woensdagaand oornag het.


Ek vertel maar die storie hier – al is dit ten koste van die uwe.

Die tente in daardie kamp is in rye ingepak. Jou motor moet jy aan die bokant parkeer en dan stap, maklik 100 meter ver tussen die tente deur tot by joune. Die oggend toe ons moet ry, reën dit. Tesame met die ou man se pyne lyk die afstand motor toe onbegonne.

Die taskarweier met sy vierwiel-veldfiets en Venterwaentjie minus deksel word opgekommandeer, maar weier eers ‘n passasier. Sy “manager” sal die stuipe kry.


Eindelik kry hy die ou man onder die wit badhanddoek (soos ‘n gesette Jasser Arafat, seg Tokkie) jammer. “Klim, Oupa, “gebied hy. Toe laat waai ons – met “oupa” (of Jasser) wat met die een hand klou vir ‘n vale. In die ander is sy kamera en verkyker.


Ek verneem na die Samaritaan se naam. Dit is Moses. En daar lei die swart Moses toe sowaar vir die gesette Jasser na die beloofde land!

1 view

Recent Posts

See All

Probleme probleme

Die hoop het toe nie beskaam nie. Rapport het afgelope Sondag vorendag gekom met ’n noemenswaardige resensie – Trisa Hugo se skrywe oor Veldhospitaal 12, die nuwe roman deur Marinda van Zyl. Boek24? W

SKOONHEID SONDER SKROOMHEID

Op bladsy drie van Die Burger vanoggend verskyn o.m. berigte oor die Mej. Wệreldwedstryd waarin Shudu Musida SA se kroon dra, en ‘n motorfiets-uitstappie na die Hartebeespoortdam waarvan die afwesighe

Comments


bottom of page