.png)
Die bos in al sy heerlike fasette danksy die kreatiwiteit van ‘n kleinseun saans in tafeltemas weerspieël. Dit was ‘n nuwe dimensie van ons somervakansie in Sabiepark saam met die drie Claassens-kleinseuns, Jacob en Thomas (10) en Christopher (5).
Thomas het hom onderskei met sy oorspronklikheid en vindingrykheid terwyl sy tweelingbroer, Jacob, en die jonger Christopher hulle meer op die vuurmakery toegespits het. Maar vele hande maak ligte werk. “Team work” – een van Christopher se handelsmerk-begrippe – was party aande aan die orde van die dag: veral toe die tema die aand “liggies” was, en al wat ‘n lantern, kers of fakkel was, moes brand (foto bo). .
Ouma Tokkie het op die agtergrond gebly, maar deurslaggewende voorstelle het ook uit daardie oord gekom. Net Oupa Hennie was aan die tafelfront ‘n nul op ‘n kontrak.
Temas het gewissel van diere tot voëls tot veld tot bos. Die sebrabreekgoed het hulle goed geleen tot ‘n “sebra-aand”.
Christopher, Thomas en Jacob by hul “bostafel””.
Lantern en kerse, driepootpotjie, blaker en blikbekers sorg vir ‘n bosatmosfeer.
Ons eet op die agterstoep en die tema is voëls.
‘n Koedoe, ‘n sebra, ‘n seekoei en ‘n klein renostertjie sorg vir ‘n dieretema.
‘n Mens ruik sommer die veld.
Die hele span by hul “veldtafel”.
Thomas by sy “sebratafel”.
Snuifkalbassies en ander goeters uit die veld.
Op elke servet het Thomas geskryf: Lekker eet. Ek is lief vir jou.
Ons is lief vir jou ook, Thomas.