BLOMMETAPYT

‘n Wonderskone blommetapyt word voor jou oopgerol as jy Postberg in die Nasionale Weskuspark binnery. Hierdie foto is net binne die hek geneem op die pad na Plankiesbaai – ‘n heerlike stilhouplek vir ‘n koffietjie en ‘n broodjie uit jou piekniekmandjie terwyl die branders op jou aanstorm. Op die Uitkykpad is ook pragtige taferele. Postberg is nog tot einde September oop vir die publiek.