Antipodea

O Oseaan van treur

Wis jy ooit wat gebeur?

Siele stroom om op jou rots te breek

Mense wat vir hoop kom steek

Kruis en dwars

Oos wes bars

daar boot na skip na vlug

soos stomme stikke deur die riete sug.

Hoor jou winde stom gebede?

Luister fluister voëls na lede

van flentermanskappe,

of mense met hul sakke

pak vol drome, tog net verdriet,

op hierdie land word als tot niet:

As van beginsels

Nag van ambisie

Stof van drome

Dronk op skuldlone,

Als en almal is

gelyk

op hierdie

rots

Dan is mens nou trots -

Vaders, versoek nie jul kinders

hierdie half-droom land.