Slim vang sy baas

Met die lekker weer ry ek deesdae met my motorfiets na my kantoor toe. Omdat daar nog aan die paaie gewerk word tussen Pretoria en Johannesburg, ry ek op die skouer van die pad - so vermy ek die motors en kan in rus en vrede ry.

Gister toe ek weer dit dit doen spring Konstabel Abel voor my in. Slimme dog toe ek ry maar gou vir hom weg, want geen motor met ligte en sirenes kan my inhaal nie. GROOT FOUT. Konstabel se motorfiets was agter die brug se pilaar weggesteek. Nodeloos om te sê drie kilo’s verder toe is ons van aangesig tot aangesig.

Na die boete is ek nou weer back to size. So geskrik dat ek met die motor vanoggend gery het. Was al 06:05 op kantoor. Vandag loop my mense vroeg want ek gaan verseker!