My kortverhale (wow, dit was pret!)

Hy klap die agterdeur met 'n dawerende slag agter hom toe. Sy bly op die vloer sit, en vryf oor haar brandende wang.

***

"Mamma, waar's Pappa?" Sy sug, vat haar dogter om haar maer skouers en lei haar na die kombuistafel toe.

***

Sy suig behaaglik aan vier blokkies sjokolade gelyk. Daar's gelukkig eers weer volgende Maandag Weigh-Less.

***

Hy huiwer. Die bok draai skielik sy kop, reg in die visier in. Hy wag. Die bok beweeg nie. Hy laat sak die geweer.

***

Die baas se kantoordeur is steeds toe. Sy kyk vinnig rond, kliek op Favorites, dan op Litnet Blogs. Yes!